​te-merkuren,-konferenca-e-ardhes-per-ecurine-e-rastit-gucati-dhe-haradinaj

​Të mërkurën, konferenca e ardhës për ecurinë e rastit Gucati dhe Haradinaj

Më 11 dhjetor 2020, Gjykatësi i Procedurës Paraprake i Dhomave të Specializuara të Kosovës konfirmoi aktakuzën e parashtruar më 30 tetor 2020 nga Prokurori i Specializuar kundër Gucatit dhe Haradinajt.

Këta të fundit akuzohen për “vepra penale kundër administrimit të drejtësisë, pengim të personave zyrtarë në kryerjen e detyrave zyrtare, frikësim të dëshmitarëve dhe për shkelje të fshehtësisë së procedurës”.

Në seancën që u zhvillua më 19 dhjetor në Hagë, Hysni Gucati u deklarua i pafajshëm para Dhomave të Specializuara. Gucati tha se ai dhe bashkëluftëtarët e tij kanë luftuar për liri dhe në mbrojtje të atdheut. I pafajshëm është deklaruar edhe Haradinaj.

Më 25 shtator 2020, Gucati dhe Haradinaj u arrestuan si të dyshuar nga Zyra e Prokurorit të Specializuar, me mbështetjen e EULEX-it dhe policisë së Kosovës dhe u transferuan në objektin e paraburgimit të Dhomave të Specializuara të Kosovës në Hagë.

Me konfirmimin e aktakuzës, Gucati dhe Haradinaj kanë statusin e të akuzuarve para Dhomave të Specializuara të Kosovës.

Nënkryetari i Organizatës së Veteranëve të Luftës (OVL) të UÇK-së, Nasim Haradinaj, ka dërguar në Gjykatën e Apelit vazhdimin e paraburgimit të tij nga Dhomat e Specializuara.

Më 24 dhjetor 2020, gjykatësi i procedurës paraprake vendosi që t’i vazhdohet paraburgimi Haradinajt dhe mohoi kërkesën e tij për një seancë dëgjimore për këtë çështje.

Më 5 janar Haradinaj ka apeluar ndaj këtij vendimi në Gjykatën e Apelit, por Paneli i Gjykatës së Apelit pranë Dhomave të Specializuara ka refuzuar apelin e Nasim Haradinaj kundër vendimit për mbajtjen e tij të mëtejshme në paraburgim.

TË ngjajshme

​Nesër tërhiqet shorti për renditjen e partive politike në zgjedhjet e 14 shkurtit

Radio-Ahireti

Virologu i njohur paralajmëron Gjermaninë

Radio-Ahireti

Rrjeti Facebook, fuqia e teknologjisë dhe fjala e lirë

Radio-Ahireti

Njihni me deputetin më të moshuar në Kuvendin e Shqipërisë (Foto)

Radio-Ahireti

Pacolli: Do ta blija gjithë ndërtesën nëse paraja nuk do ma hapte derën

Radio-Ahireti

Draskoviq: Për Hitlerin tonë-Millosheviqin, propaganda serbe punon vetëm për mohimin e krimeve dhe lartësimin e tij

Radio-Ahireti