8,703-raste-aktive-me-coronavirus,-ikshpk-ben-thirrje-per-respektimin-e-masave

8,703 raste aktive me coronavirus, IKSHPK bën thirrje për respektimin e masave

Instituti Kombëtar i Shëndetit Publik numri total i rasteve pozitive është 71.344 raste nga 319.338 persona të dyshimtë në virusin SARS-CoV-2 dhe 1.627 raste të vdekjes.

Gjatë 24 orëve të fundit, janë shëruar 386 pacientë derisa numri i përgjithshëm i të shëruarve deri më sot është gjithsej 61.014 raste, kurse numri i rasteve aktive është 8.703.

IKSHPK përsërit thirrjen për zbatimin e të gjitha masave të përgjithshme dhe specifike për mbrojtjen nga pandemia COVID-19.

Instituti vlerëson se këto masa mund të ndërprenë rritjen e numrit të rasteve, të parandalojnë mbingarkesën e hospitalizimeve dhe të parandalojnë rritjen e numrit të vdekjeve.

IKSHPK apelon tek të gjithë qytetarët, institucionet dhe organizatat publike dhe private, për respektimin dhe ndërmarrjen e të gjitha masave të nevojshme për parandalimin, menaxhimin dhe kontrollin e infeksionit COVID-19, duke marrë parasysh dispozitat e Ligjit për parandalimin dhe luftimin e pandemisë COVID-19, dhe vendimet në fuqi mbi masat dhe obligimet e institucioneve për zbatimin e masave të përgjithshme dhe specifike për mbrojtjen nga pandemia COVID-19.

“Në veçanti, bëjmë thirrje për zbatimin e rekomandimeve dhe respektimin e masave kufizuese për aktivitetet publike, përkatësisht kufizimeve për grumbullimin e qytetarëve dhe tubimeve publike.

Grumbullimi i qytetarëve pa maska dhe pa mbajtje të distancës shton rrezikun e përhapjes së infeksionit përderisa virusi SARS-COV-2 është prezent në mesin tonë.

Apelojmë tek institucionet përgjegjëse, përkatësisht Policia e Kosovës dhe inspektoratet përgjegjëse që të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave dhe vendimeve të tjera në fuqi në zbatim të Ligjit për parandalimin dhe luftimin e pandemisë COVID-19 në Republikën e Kosovës”.

The post 8,703 raste aktive me coronavirus, IKSHPK bën thirrje për respektimin e masave appeared first on Mesazhi.com.

TË ngjajshme

Kërcënohet deputetja Duda Balje

Radio-Ahireti

Kurti: Qeveria e re do të formohet së shpejti

Radio-Ahireti

Rifillojnë punimet restauruese në kompleksin Al-Aksa

Radio-Ahireti

Gjashtë viktima dhe 586 raste të reja me Covid-19 në Shqipëri

Radio-Ahireti

​Konsumatorët të pa mbrojtur, ngritet 100 përqind numri i ankesave, trajtohen vetëm gjysma e tyre

Radio-Ahireti

Katër të vdekur dhe 290 raste të reja me Covid-19 në Kosovë

Radio-Ahireti