aktakuze-kunder-kryetarit-te-tuzit,-nik-gjeloshaj

Aktakuzë kundër kryetarit të Tuzit, Nik Gjeloshaj

Aktakuzë është ngritur edhe kundër kryeshefit të Policisë Komunale, Rexhep Çunmulaj dhe policit komunal E.M, për të njëjtën vepër.

Gjeloshaj akuzohet se më 24 e 25 shkurt të këtij viti, sfidoi organet e rendit, duke i ftuar pronarët e gastronomisë në qytet t’i hapin lokalet, përkundër vendimit të Qeverisë për mbyllje shkaku i COVID-19.

“Gjeloshaj akuzohet se u ka bërë thirrje të tjerëve të rezistojnë dhe të mos i binden vendimit të ligjshëm të organit shtetëror dhe të një zyrtari në kryerjen e veprimit zyrtar, si rezultat i të cilit vendimi i ligjshëm i organit shtetëror nuk u zbatua, sepse më 24 shkurt, ai organizoi takim me pronarët e objekteve hotelerike nga Tuzi dhe u bëri thirrje, të hapin objektet e tyre, gjë të cilën pronarët e bënë të nesërmen, në kundërshtim me urdhrin e Ministrisë së Shëndetësisë, e cila ndalonte funksionimin e objekteve hotelierike, njoftoi Prokuroria Themelore e Shtetit në Podgoricë.

Rexhep Çunmulaj dhe E.M akuzohen se kanë ndihmuar Gjeloshajn, sepse, në të dy korsitë e rrugës Podgoricë – Tuz, parkuan automjete zyrtare të Policisë Komunale, bllokuan trafikun dhe kështu penguan ndjeshëm zbatimin e veprimeve zyrtare nga oficerët e Drejtorisë së Policisë – Qendra e Sigurisë Podgoricë, të cilët kryenin inspektimin mbi respektimin e urdhrit të Ministrisë së Shëndetësisë. tch

TË ngjajshme

Masat anti-COVID: Policia në kontrolle të rrepta në tërë Kosovën

Radio-Ahireti

Zjarrfikësit duan shtesat: Qeveria selektive, protestojmë nëse s’ka vendim deri të hënën

Radio-Ahireti

Quni, Jashari dhe Lladrovci bëjnë homazhe në Prekaz

Radio-Ahireti

Latifi për deklaratat e Shefqet Krasniqit: Frikacake dhe hipokrite gratë në pushtet që nuk po reagojnë

Radio-Ahireti

“Nuk është mirë që Mali i Zi ende s’ka ambasador të ri në Kosovë”

Radio-Ahireti

KEDS njofton për ndërprerje të rrymës për shkak të punimeve

Radio-Ahireti