ambasada-e-britanise:-do-te-vezhgojme-numerimin-e-votave-te-diaspores,-ka-rrezik-qe-fletevotimet-te-mos-arrijne-ne-kohe

Ambasada e Britanisë: Do të vëzhgojmë numërimin e votave të diasporës, ka rrezik që fletëvotimet të mos arrijnë në kohë

Ambasada e Britanisë së Madhe në Kosovë kanë thënë se do të vazhdojnë t’i monitorojnë nga afër numërimin e votave që vijnë nga diaspora për zgjedhjet në Kosovë, duke shtuar se për shkak të afatit të shkurt për votat që vijnë jashtë vendit, ka rrezik që jo të gjitha fletëvotimet të arrijnë me kohë në Komisionin Qendror të Zgjedhjeve.

Përmes një njoftimi për media, kjo ambasadë thotë se ashtu si në zgjedhjet e mëparshme, procesi i votimit jashtë vendit nuk ka qenë i përsosur, megjithëse kësaj here ka numër rekord të aplikuesve.

Po ashtu ambasada thotë se do të vazhdojnë të monitorojnë nga afër procesin e votimit dhe numërimin e votave.

Njoftimi i plotë:

Mbi 100,000 aplikime për regjistrimet e reja të votuesve në diasporë u pranuan nga KQZ-ja. Këto janë numra rekord. Ashtu si në zgjedhjet e mëparshme, ky proces nuk ka qenë i përsosur. Misionet e mëparshme të Vëzhgimit të Zgjedhjeve të BE kanë rekomanduar që ligji të ndryshojë në mënyrë që të lejojë më shumë kohë për proceset parazgjedhore.

Kjo nuk ka ndodhur dhe afati për këto zgjedhje të parakohshme është edhe më i shkurtër se normalisht, duke bërë presion mbi KQZ-në dhe duke krijuar rreziqe që jo të gjitha fletët e votimit nga jashtë shtetit do të arrijnë në kohë.

Ky mision, së bashku me të tjerët, është duke u angazhuar me institucionet përkatëse dhe është i kënaqur që janë bërë aranzhimet e nevojshme që të gjitha fletëvotimet e diasporës që mbërrijnë në kohë të merren në mënyrë të sigurt dhe të numërohen pa ndërhyrje. Ne natyrisht do të vazhdojmë ta monitorojmë nga afër këtë.

The post Ambasada e Britanisë: Do të vëzhgojmë numërimin e votave të diasporës, ka rrezik që fletëvotimet të mos arrijnë në kohë appeared first on Mesazhi.com.

TË ngjajshme

Quni për largimin e Vjosa Osmanit: Jo që na ka lënë shenjë, por na ka përgjysmu

Radio-Ahireti

Holandë, një agresor djeg xhaminë në ndërtim

Radio-Ahireti

1/3 e akullit në Antarktik rrezikon të shembet si pasojë e ngrohjes globale

Radio-Ahireti

Ambasadori amerikan: Pozicioni i Amerikës mbetet i pandryshuar

Radio-Ahireti

Ende asnjë ankesë në PZAP nga partitë politike për moscertifikimin e listave zgjedhore

Radio-Ahireti

Ishte për shërim në Turqi, Fidan Gashi kthehet në familje

Radio-Ahireti