athine,-vritet-me-atentat-gazetari-i-njohur

Athinë, vritet me atentat gazetari i njohur

Dy njerëz të armatosur në motoçikletë vranë të premten një gazetar të njohur grek pranë shtëpisë së tij në Athinë, njoftoi policia.

George Karaivaz, një gazetar karriere i televizionit privat STAR TV, ishte i njohur në audiencën greke për mbulimin e ngjarjeve që lidheshin me rendin dhe me policinë.

Ende nuk ka njoftime rreth një motivi të mundshëm për vrasjen, por policia tha se vrasja ishte planifikuar me kujdes.

“Vrasja e një gazetari është një veprim i përbuzshëm prej frikacakësh,” tha Presidentja e Komisionit Evropian Ursula von der Leyen në një koment në Twitter.

“Evropa është për lirinë. Dhe liria e shtypit është ndoshta më e shenjta nga të gjitha,” tha ajo.

Policia tha se gazetari u vra të premten pasdite nga dy njerëz në motoçikletë, të cilët qëlluan me breshëri plumbash afër shtëpisë së tij në Alimos, në jug të Athinës. Të paktën 12 gëzhoja u mblodhën nga vendi i ngjarjes, tha një zyrtar i policisë.

“Ishte një atentat profesional,” tha zyrtari i policisë, i cili foli në kushte anonimiteti sepse nuk ishte i autorizuar të bënte deklarata për median.

Zëdhënësja e qeverisë greke Aristotelia Peloni tha se vrasja “na tronditi të gjithëve”.

“Autoritetet po hetojnë për të arrestuar autorët dhe për t’i sjellë para drejtësisë,” tha ajo./voa

The post Athinë, vritet me atentat gazetari i njohur appeared first on Mesazhi.com.

TË ngjajshme

Vijojnë temperaturat përvëluese në Kosovë

Radio-Ahireti

Shoqata e Gastronomëve: Në momentin që masat aktuale mund të ndryshojnë, do të ketë organizim të protestave

Radio-Ahireti

Rreth 40 mijë raste me koronavirus në 24 orë në Turqi, ndërrojnë jetë 152 pacientë

Radio-Ahireti

Fjalimi i parë shqip në Kuvendin e Serbisë, Kamberi replikon me Daçiqin në gjuhën shqipe

Radio-Ahireti

Kurti nga Prekazi kujton bombardimet e NATO-s

Radio-Ahireti

Tensionet në Ukrainën lindore, presidenti Volodymyr Zelenskyy takim me Erdoganin

Radio-Ahireti