avdyli-i-del-ne-mbrojtje-gervalles:-po-sulmoni-nje-grua-qe-la-jeten-ne-gjermani-per-t’i-sherbyer-kosoves

Avdyli i del në mbrojtje Gërvallës: Po sulmoni një grua që la jetën në Gjermani për t’i shërbyer Kosovës

Avdyli në një shkrim në Facebook ka thënë se kjo deklaratë është nxjerrë nga konteksti dhe është bërë në rrethana tjera.

“Eksponentë të politikës e parapolitikës e shërbëtorë të pushteteve të kaluara , dje gjatë tërë ditës i bënë gjyqin publik, Zv KM dhe Ministres së PJ z.Donika Gërvalla, për një deklaratë të vjetër,të shkëputur, e nxjerrur nga konteksti dhe e thënë në rrethana krejt tjera. Ky gjyq publik më kujton regjimet e vjetra diktatoriale ku pasi identifikohej armiku popullit, dënohej pa gjyq që të disiplinoheshin masat popullore”, tha Avdyli.

Deputeti tutje, shton se Gërvalla la jetën e saj në Gjermani për t’i shërbyer Kosovës.

Postimi i plotë:

Eksponentë të politikës e parapolitikës ,e shërbëtorë të pushteteve të kaluara ,dje gjatë tërë ditës i bënë gjyqin publik, Zv KM dhe Ministres së PJ z.Donika Gërvalla, për një deklaratë të vjetër,të shkëputur, e nxjerrur nga konteksti dhe e thënë në rrethana krejt tjera. Ky gjyq publik më kujton regjimet e vjetra diktatoriale ku pasi identifikohej armiku popullit, dënohej pa gjyq që të diciplinoheshin masat popullore. Meqë këtyre eksponenteve nuk po ia mban të gjejnë armik te bashkësia ndërkombetare e liderët e atëhershem politik që bënin luftë me partitë e tyre për miratimin e gjykates speciale ,po tentohet të gjindet objektivi me i lehtë një politikane të re femër, e cila çdo gjë la nga jeta saj në Gjermani për ti shërbyer Kosovës.Dhe ardhja saj në Kosovë ka ndodhur në vitin 2021 , jo në vitin 2015 kur u miratuan dhomat e specializuara. Kjo i bie që kur ske çka i bënë gomarit i bie samarit. Prandaj opinionit duhet ti servohet e vërteta , të gjitha veprimet e deklaratat e viteve 2014 e 2015 të liderëve tē atehershëm ,kur natë e ditë e arsyetonin formimin e Gjykatës speciale. Atëherë na thonin që Kosova rrezikohej nëse nuk formohet kjo gjykatë, se me të do pastrohet lufta e drejtë çlirimtare. Atëherë ,por jo tani, ata deputetë që svotuan Gjykatën speciale quheshin tradhëtarë, rrezikues të shtetësisë të Kosovës. Prandaj merruni me thelbin çështjes e ndodhur me 2015 e jo me deklaratat jashtë kontekstit kohor, me qëllim frikësimi e gjykimi publik, se kjo qasje është e padrejtë por edhe nuk iu shitet tash në vitin 2021. Drejtësia dhe e vërteta është një. Ska dy të vërteta edhe ajo e 2015 dhe kjo e 2021, por ka njerëz që manipulojnë me të vërtetën./Lajmi.net/

TË ngjajshme

​Tahiri për Ambasadën në Jerusalem: Qëndrimet shtetërore nuk ndryshojnë me ndërrimin e qeverive

Radio-Ahireti

Rrëmbehen 300 vajza në Nigeri

Radio-Ahireti

856 pacientë me COVID-19 të hospitalizuar, 682 janë nën asistim të oksigjeno-terapisë

Radio-Ahireti

​Haradinaj për vizitën e Osmanit e Kurtit në veri: Ishte e papërgatitur

Radio-Ahireti

Numërohen 99.16 % e votave, kjo është përqindja e partive

Radio-Ahireti

Maqedonia e Veriut porosit vaksinat kineze

Radio-Ahireti