bie-ne-7-mije-e-508-numri-i-rasteve-aktive,-neser-vazhdon-vaksinimi-i-mjekeve

Bie në 7 mijë e 508 numri i rasteve aktive, nesër vazhdon vaksinimi i mjekëve

Si rrjedhojë, ka pasur edhe ulje të testimeve mirëpo edhe të rasteve me fatalitet, shkruan lajmi.net.

Kësisoj, në 24 orët e fundit janë konfirmuar vetëm 75 raste të reja me COVID-19.

Aktualisht në vendin tonë janë edhe 7 mijë e 508 raste aktive me koronavirus. Që nga fillimi i pandemisë,  janë konfirmuar gjithësej 105 mijë e 711 raste pozitive.

2 mijë e 191 persona nuk kanë arritur t’i mbijetojnë komplikimeve shëndetësore nga virusi.

Ndërkaq, janë shëruar 96 mijë e 12 persona.

Ndryshe, në Kosovë sot kanë arritur edhe 4680 doza të vaksinës Pfizer.

“Ministria e Shëndetësisë ka pranuar sot 4680 doza të vaksinës Pfizer/Biontech kundër COVID-19, pjesë e parë e 95 000 dozave të cilat Bashkimi Evropian i ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19”, thuhet në komunikatën e MSH-së.

Me rekomandim të Komitetit për vaksinim kundër COVID-19, këto doza të vaksinës Pfizer/Biontech do të përdoren për vaksinimin e punëtorëve shëndetësor, të cilët nuk kanë mundur të vaksinohen në fazën e parë të vaksinimit për arsye shëndetësore për çka duhet të kenë dëshmi.

Vaksinimi do të rifillojë nesër, e mërkurë 5 maj 2021 me punëtorët shëndetësor nga e tërë Kosova, të cilët do të vaksinohen në sallën “1 Tetori”  në Prishtinë, duke filluar nga ora 10:00. ​ /Lajmi.net/

 

TË ngjajshme

Të shtëna me armë zjarri në Istog, policia jep detaje

Radio-Ahireti

Kryekuvendari i ri mund të ketë gjashtë muaj mandat si ushtrues detyre i presidentit

Radio-Ahireti

SHBA: 150 milionë vaksinime për 75 ditë të Biden në pushtet

Radio-Ahireti

Milaim Zeka: Adem Jashari ka pi birra, s’ka pasë kurrgjë t’bëj me këta muxhahadinat

Radio-Ahireti

Gani Koci ftohet nga Gjykata Speciale

Radio-Ahireti

Shërbimi Evropian për Punë të Jashtme: Koha për marrëveshje finale Kosovë – Serbi

Radio-Ahireti