Image default

Byrek i shpejtë i shtëpisë me petë të gatshme

Ky gatim ka qënë pjesë e tryezave të shumë familjeve në çdo rast. Ndonëse siç thamë kjo traditë është kaluar brez pas brezi mbetet gjithnjë e shijshme dhe shumë e përdorshme edhe në ditët e sotëme, transmeton lajmi.net.

Shijet e byrekut janë të larmishme në varësi të zonës ku përgatitet apo shijeve të gjithësecilit. Këto shije janë sofistikuar dhe ndryshuar me kalimin e kohës dhe e tillë është edhe receta e sotme.

Më i njohuri dhe i dashuri njëkohësisht është padyshim byreku me djathë. Kjo për shkak të shijes së lehtë dhe të thjeshtë që ky kombinim ka.

Byreku me petë të gatshme dhe djathë është sa i lehtë në përgatitje aq edhe i shijshëm dhe i veçantë. Më poshtë gjeni të shpjeguar hap pas hapi se si t’a përgatisni atë shumë shpejt në shtëpitë tuaja.

Përbërësit

1 pako me petë të gatshme

500 gr djath i bardhë ose gjizë

150 gr gjalp

5 vezë

gjysmë gote ujë

një lugë sodë buke

Përgatitja

Për të përgatitur shpejt këtë recetë, fillimisht të zgjidhni një tavë drejtkëndëshe pak a shumë sa madhësia e petëve.

Hiqni ndërkohë petët e gatëshme nga paketimi dhe shtroni në tavë dy prej tyre. Në një enë të thellë thërrmoni me duar të gjithë sasinë e djathit të bardhë dhe hidhni një grusht tek petët e para.

Mbulojeni atë me 2-3 petë të tjera dhe hidhni përsëri një grusht me djathë të thërmuar. Bëjeni këtë derisa i gjithë djathi dhe petët të kenë mbaruar.

Kujdesuni të ruani 1-2 petë të fundit për të mbuluar byrekun, vendosini ato me kujdes sipër shtresës së fundit të djathit.

Pasi të keni mbaruar priteni byrekun tuaj në katrorë të barabartë me madhësi mesatare. Ndërkohë në një enë hidhni të gjitha vezët dhe gjysmë gote uji të përzier më parë me një lugë sodë buke.

Trazojini të gjithë këta përbërës bashkë dhe hidhjani byrekut në të gjithë sipërfaqen e tij.

Bëni kujdes t’i shpërndani vezët në mënyrë të barabratë, tundeni pak tepsinë me duar në mënyrë që të marrë shijen e tyre i gjithë byreku.

Në një tigan shkrini sasinë e gjalpit dhe hidheni sërisht sipër byrekut duke vepruar siç bëtë me vezët. Kujdesuni t’i hapni pak me thikë të carat mes petëve në mënyrë që të kullojë edhe gjalpi.

Sipas dëshirës mund t’a lini tavën 30 minuta në frigorifer në mënyrë që petët të thithin mirë gjalpin dhe vezët. Futeni më pas të piqet në temperaturën 180 gradë për 25-30 minuta.

Mund t’a konsumoni të ngrohtë ose të ftohtë dhe t’a ruani në frigorifer. /Lajmi.net/

TË ngjajshme

Ëmbëlsirë me hurma dhe arra, pa gjalpë dhe yndyra të shtuara

Radio-Ahireti

Salca me hudhra, limon dhe vaj ulliri – Receta

Radio-Ahireti

Pulë në lëngë me miell misri – Receta e ditës

Radio-Ahireti

Pesë këshilla për pjekjen perfekte të pulës

Radio-Ahireti

Spinaq me qumësht dhe hudhër – Receta e shëndetshme

Radio-Ahireti

Recetë: Patëllxhanë të mbushur me gjizë

Radio-Ahireti