hoxhaj-nga-gjakova:-do-ta-shnderrojme-kete-qytet-ne-qendren-me-te-madhe-industriale-ne-kosove

Hoxhaj nga Gjakova: Do ta shndërrojmë këtë qytet në qendrën më të madhe industriale në Kosovë

Hoxhaj ka thënë se procesi i finalizimit të shtetndërtimit të Kosovës dhe anëtarësimi në OKB do të jenë prioritete kryesore në qeverisjen e PDK-së.

“Ne jemi të interesuar të përmbyllim shtetndërtimin e Kosovës dhe ajo do të përmbyllet vetëm atëherë kur PDK do të qeverisë dhe do të anëtarësojë Kosovën në OKB. Këtë mund ta bëjë vetëm një parti politike që ka merita në themelet e lirisë, pavarësisë dhe shtetndërtimit. Natyrisht edhe anëtarësimi në OKB do të jetë një proces i natyrshëm”, ka thënë ai.

Para qytetarëve të Gjakovës, Hoxhaj ka shpalosur edhe planin për vaksinimin anti-covid të popullsisë së Kosovës gjatë këtij viti.

“Ne kemi plan ta vaksinojmë gjysmën e popullatës vetëm gjatë vitit 2021. E kemi hartën e qartë. I dimë vendet ku do të jenë qendrat e testimit. I dimë vendet ku do ta jenë qendrat e vaksinimit dhe brenda 100 ditshit të parë, jo vetëm që do ta sigurojmë vaksinën, por brenda vitit 2021 do ta vaksinojmë gjysmën e popullatës së Republikës së Kosovës. Ndërsa, në vitin 2022 do të vazhdojmë me pjesën tjetër të popullatës”, ka thënë ai.

Duke folur për gjenocidin që ka bërë Serbia në Kosovë, Hoxhaj ka thënë se Instituti i Krimeve për Dokumentimin e Gjenocidit Serb do të vendoset në këtë qytet.

“Meqenëse ky është një vend që ka vuajtur shumë gjatë luftës dhe politika e gjenocidit serb është shpërfaqur mbi të gjithë në Gjakovë, edhe Instituti i Krimeve për Dokumentimin e Gjenocidit Serb do të vendoset në Gjakovë”, ka thënë ai. /Lajmi.net/ 

 

TË ngjajshme

Erëra të fuqishme në Dukagjin, ndërprehet energjia elektrike

Radio-Ahireti

KQZ me njoftim, këto masa duhet t’i zbatoni në ditën e zgjedhjeve

Radio-Ahireti

Tolaj: Mbylljet janë të efektshme nëse zgjasin 6-7 ditë, përtej kësaj efektet janë negative

Radio-Ahireti

Hoxhaj: Kurti bëri pazare me familjarët e deputetes, Grainca duhet ta kthejë mandatin e PDK-së

Radio-Ahireti

Kurti për shiritat e kuq: I kanë vendosur simpatizantët, lidhen me 14 shkurtin e dashurinë

Radio-Ahireti

Biznesmeni kërkon nga qeveria 50 mln euro për sektorin privat: Ndryshe, vdesim nga uria

Radio-Ahireti