ikshpk:-numri-i-rasteve-pozitive-dhe-vdekjeve-nga-covid-19-po-vjen-si-pasoje-e-neglizhimit-te-masave

IKSHPK: Numri i rasteve pozitive dhe vdekjeve nga COVID-19 po vjen si pasojë e neglizhimit të masave

Brenda 24-orëve të fundit në Kosovë nga coronavirusi kanë humbur jetën tetë persona, ndërsa janë konfirmuar 632 raste të reja.

IKSHPK thotë se rritja e rasteve të reja është si pasojë e neglizhimit të masave antiCOVID, prandaj kërkojnë që të respektohen këto masa.

“Numri i rasteve pozitive dhe vdekjeve nga COVID-19 vazhdon të jetë i lartë dhe brengosës si pasojë e drejtpërdrejtë e neglizhimit të masave.Mjekët të stërngarkuar në spitale po luftojnë kundër këtij virusi tinëzar e shkatërrimtar me tërë fuqinë e tyre profesionale e njerëzore”, thuhet në reagimin e IKSHPK-së.

IKSHPK përsërit thirrjen për zbatimin e të gjitha masave të përgjithshme dhe specifike për mbrojtjen nga pandemia COVID-19.

“Masat parandaluese janë të njëjta me aksent të veçantë se personat pozitiv duhet të qëndrojnë në shtëpi për të parandaluar përhapjen në familje dhe në komunitet. Me zvogëlimin e kontakteve, do ta bëjmë të mundur ndërprerjen e përhapjes së infeksionit”, vijon reagimi.

IKSHPK kërkon të respektohen masat:

1. Të qëndrohet në shtëpi, dhe dalja të jetë vetëm për nevoja të domosdoshme;

2. Ndalimi rigoroz i takimeve me njerëz me të cilët nuk jetoni në bashkësi, pos për qëllime specifike;

3. Ndalimi rigoroz i tubimeve;

4. Respektimi rigoroz i masave kufizuese në aktivitetet publike;

5. Kufizimi i punës për veprimtaritë jo-esenciale dhe vend-ngjarjet duke redukuar edhe kohën e punës gjatë ditës.

“IKSHPK vlerëson se këto masa mund të ndërprenë rritjen e numrit të rasteve, të parandalojnë mbingarkesën e hospitalizimeve dhe të parandalojnë rritjen e numrit të vdekjeve”.

The post IKSHPK: Numri i rasteve pozitive dhe vdekjeve nga COVID-19 po vjen si pasojë e neglizhimit të masave appeared first on Mesazhi.com.

TË ngjajshme

Kujt po i pengon poligoni i FSK-së në Mitrovicë?

Radio-Ahireti

Rama reagon për provokimin e Vuçiqit

Radio-Ahireti

GJNP nis hetim për krimet e luftës në territoret e pushtuara palestineze

Radio-Ahireti

Jemen, 334 të burgosur janë vrarë në burgje gjatë 6 viteve të fundit

Radio-Ahireti

Shpërthimet shkatërruese lënë përmbi 90 të vdekur në Guinenë Ekuatoriale

Radio-Ahireti

Gjatë vikendit rreth 500 persona kërkuan ndihmë në QKUK, shkak temperaturat e larta

Radio-Ahireti