ipk-jep-detaje-rreth-aksionit-“jugu”-ne-prishtine,-ku-u-arrestuan-tete-zyrtare-policore

IPK jep detaje rreth aksionit “Jugu” në Prishtinë, ku u arrestuan tetë zyrtarë policorë

Inspektorati Policor i Kosovës respektivisht Departamenti i Hetimeve ka arrestuar sot në orët e mëngjesit tetë zyrtarë policorë (punonjës në Stacionin Policor Jugu – Drejtoria Rajonale e Prishtinës) .

Sipas një njoftimi nga IPK-ja, hetimi lidhur me këtë rast kishte filluar kohë më parë pas pranimit të një ankesë dhe informacioneve përmes rrugëve operative me dyshimin fillestar se një zyrtar policor ishte i përfshirë në aktivitete të kundërligjshme.

“Hetimi është zgjeruar duke përfshirë si të dyshuar edhe disa zyrtarë tjerë policorë dhe ka përfshirë edhe masat e fshehta të hetimit në koordinim me Prokurorinë Themelore të Prishtinës me urdhëresë të Gjyqtarit të Procedurës Paraprake dhe me përkrahjen edhe nga Policia e Kosovës.

Si rezultat i hetimit sot në orët e hershme të mëngjesit në Prishtinë është realizuar operacioni i koduar me emrin “Jugu” me ç’rast janë arrestuar tetë zyrtarë policorë me dyshimin për veprat penale “keqtrajtim gjatë ushtrimit të detyrës zyrtare”, “cenimi i së drejtës për ushtrimin e mjetit juridik”, keqpërdorim i pozitës apo autoritetit zyrtar”, “ushtrim ndikimi”dhe “falsifikim i dokumentit zyrtar””, thuhet në njoftim.

Me urdhër të Gjykatës Themelore në Prishtinë hetuesit e IPK-së kanë realizuar kontroll në tri lokacione në Prishtinë ku në cilësi të provave janë konfiskuar gjësende të ndryshme.

Hetuesit e IPK-së pritet të ndërmarrin edhe veprime të tjera hetimore lidhur me këtë rast në konsultim të vazhdueshëm me prokurorin përgjegjës në përputhje me autorizimet ligjore të IPK-së dhe Kodit të Procedurës Penale.

The post IPK jep detaje rreth aksionit “Jugu” në Prishtinë, ku u arrestuan tetë zyrtarë policorë appeared first on Mesazhi.com.

TË ngjajshme

Publikohet lista e plotë me 110 kandidatët e LDK-së për deputetë

Radio-Ahireti

Ministri Vitia paralajmëron ashpërsim të masave anti-COVID

Radio-Ahireti

Brazil, numri i viktimave nga COVID-19 tejkalon shifrën 345 mijë

Radio-Ahireti

Shqipëri, masa të reja kundër pandemisë COVID-19

Radio-Ahireti

Kosova për 1 vit me COVID-19: Mbi 350 mijë teste, mbi 76 mijë të infektuar dhe 1696 viktima

Radio-Ahireti

Gjashtë të vdekur dhe 363 raste të reja me Covid-19

Radio-Ahireti