Image default

Izraeli dhe Maroku firmosin marrëveshjen për fluturime të drejtpërdrejta

Pas normalizimit të marrëdhënieve diplomatike midis Izraelit dhe Marokut, dy vendet nënshkruan marrëveshje edhe për fluturime të drejtpërdrejta midis tyre, transmeton Anadolu Agency (AA).

Lajmi u bë i ditur nga gazeta izraelite Yediot Ahronot, e cila shkroi se kjo është marrëveshja e tretë e aviacionit e nënshkruar pas normalizimit midis Izraelit dhe vendeve arabe, pas marrëveshjeve me Emiratet e Bashkuara Arabe (EBA) dhe Bahreinin.

Normalizimi Marok-Izrael

Marrëdhëniet e nivelit të ulët midis Rabatit dhe Tel Avivit filluan pas Marrëveshjes së Oslos të nënshkruar midis palestinezëve dhe Izraelit në vitin 1993, por në vitin 2002, kur filloi Intifada e Dytë, Maroku i ndërpreu këto marrëdhënie.

Ish-presidenti i SHBA-së Donald Trump më 10 dhjetor 2020 njoftoi se Maroku dhe Izraeli kishin arritur një marrëveshje për marrëdhënie të plota diplomatike dhe nënshkruan një deklaratë në të cilën ata njohën sovranitetin e Marokut në Saharanë Perëndimore. Mbreti i Marokut, Muhamedi VI, njoftoi se marrëdhëniet me Izraelin do të vendoseshin “sa më shpejt të jetë e mundur”.

Me këtë vendim, Maroku u bë vendi i katërt arab që arriti marrëveshje normalizimi me Izraelin në muajt e fundit pas EBA-së, Bahreinit dhe Sudanit, dhe vendi i parë në rajonin e Magribit.

Maroku dhe Izraeli nënshkruan katër marrëveshje për normalizimin e marrëdhënieve diplomatike më 22 dhjetor 2020.

The post Izraeli dhe Maroku firmosin marrëveshjen për fluturime të drejtpërdrejta appeared first on Mesazhi.com.

TË ngjajshme

Arrin në 19 mijë numri i vëzhguesve për zgjedhjet e 14 shkurtit

Radio-Ahireti

IHMK paralajmëron vërshime të reja në Kosovë

Radio-Ahireti

Menduh Alajbeg na vjen me nje ilahi te Re

Radio-Ahireti

321 raste të reja me Covid-19 në Kosovë

Radio-Ahireti

Tri javë pas vërshimeve ende nuk dihet se sa do të zgjasë procesi i vlerësimit të dëmeve

Radio-Ahireti

Shqipëri, masa të reja kundër pandemisë COVID-19

Radio-Ahireti