Image default

Katari ofron ndihmë financiare për familjet në nevojë në Gaza

Katari të enjten do të shpërndajë ndihmë financiare për 100.000 familje palestineze në Rripin e Gazës, transmeton Anadolu Agency (AA).

“Një shumë prej 100 dollarësh do të shpërndahet për çdo familje në nevojë”, tha në një deklaratë Mohamed al-Emadi, kreu i Komitetit të Katarit për Rindërtimin e Gazës.

Emiri i Katarit, Sheikh Tamim bin Hamad Al-Thani, të dielën premtoi ndihmë prej 360 milionë dollarësh për territorin palestinez.

Agjencia zyrtare e lajmeve QNA tha se granti do të përdoret “për të paguar pagat e punonjësve, për të siguruar ndihmë financiare për familjet në nevojë dhe për të operuar stacionet elektrike me qëllim që të kufizohet përkeqësimi i situatës humanitare dhe kushtet e vështira të jetesës”.

Komiteti i Katarit për Rindërtimin e Gazës, i lidhur me Ministrinë e Punëve të Jashtme, zbaton dhjetëra projekte jetësore në Gaza përveç shpërndarjes së rregullt të pagave mujore për familjet e varfra.

Rreth dy milionë palestinezë jetojnë në Gaza dhe ai rajon ka qenë nën një bllokadë të plotë tokësore, ajrore dhe detare nga Izraeli që nga viti 2006.

The post Katari ofron ndihmë financiare për familjet në nevojë në Gaza appeared first on Mesazhi.com.

TË ngjajshme

Me 28 nëntor, Halil Kastrati dhuron 128 shtëpi të reja për njerëzit në nevojë

Radio-Ahireti

Refuzohen mbi 1600 vota nga diaspora

Radio-Ahireti

Reduktime të ujit të pijshëm në Obiliq, Fushë Kosovë, Drenas dhe lagjja “Kalabria” në Prishtinë

Radio-Ahireti

Aeroporti ‘Adem Jashari’: Nisja e fluturimeve nuk varet nga ne, por nga Qeveria

Radio-Ahireti

Një ditë pas vrasjes së 15 vjeçarit në Prizren, protestojnë banorët: Drejtësi për Lirimin

Radio-Ahireti

IPK arreston një kapiten policor të dyshuar për fajde

Radio-Ahireti