komisioni-qendror-zgjedhor-shqyrton-sot-rekomandimin-e-qnr-se-per-rinumerimin-e-500-vendvotimeve

Komisioni Qendror Zgjedhor shqyrton sot rekomandimin e QNR-së për rinumërimin e 500 vendvotimeve

Edhe pse nuk u bë e ditur tema e saktë e diskutimit, në një prononcim për lajmi.net zëdhënësi i Komisionit Qendror Zgjedhor, Valmir Elezi ka deklaruar se në mbledhjen që do të zhvillohet sot do të paraqitet një raport nga Qendra e Numërimit dhe Rezultateve me disa rekomandime.

Këto rekomandime kanë të bëjnë me rinumërimin në rreth 500 vendvotime.

“Mund t’iu konfirmoj se në mbledhjen e sotme të KQZ-së do të paraqitet një raport nga Qendra e Numërimit dhe Rezultateve me disa rekomandime për rinumërim të rreth 500 vendvotimeve dhe natyrisht se anëtarët e KQZ-së do ta shqyrtojnë dhe do të marrin vendim meritor”, tha Elezi.

Gjithashtu u theksua se Qendra e Numërimit dhe Rezultateve ka ardhur deri te këto rekomandime pasi këto vendvotime nuk kanë mundur të kalojnë procesin e auditimit.

“Arsyet janë të ndryshme dhe kryesisht kanë të bëjnë me bartjen e gabuar të votave në formularin e subjekteve politike dhe formularin e kandidatëve; si dhe për shkak se në një numër të madh të vendvotimeve kandidati apo kandidatët kanë më shumë vota se subjekti politik”, shtoi ai.

Duhet përkujtuar Komisioni Qendror Zgjedhor ditë më parë bëri të ditur se do të rinumërohen edhe 14 qendra të votimit, ndërsa të njëjtit janë duke vazhduar punën në numërimin e votave me kusht dhe atyre nga diaspora.

Procesi i përgjithshëm i numërimit të votave është duke vazhduar deri në daljen e rezultateve finale.

Nga rezultatet e deritanishme Lëvizja Vetëvendosje është partia fituese me mbi 47%, derisa PDK u radhit si parti e dytë ndërsa LDK doli parti e tretë me 13%./Lajmi.net/

TË ngjajshme

Shaip Kamberi flet për efektet që ka në Serbi vendosja e ambasadës së Kosovës në Jerusalem

Radio-Ahireti

Axha i Glauk Konjufcës emërohet këshilltar në Ministrinë e Mbrojtjes

Radio-Ahireti

Nga Vetëvendosje ua përkujtojnë deputetëve obligimin që kanë për seancat në Kuvendin e Kosovës

Radio-Ahireti

Hoxhaj dhe Tahiri: Në 100 ditëshin e parë do të iniciojmë themelimin e Gjykatës Komerciale

Radio-Ahireti

12 kandidatë të Nismës që nuk u certifikuan nga PZAP

Radio-Ahireti

Vuçiq: Kemi një rast të konfirmuar me llojin e ri të virusit korona

Radio-Ahireti