Image default

Komuna e Skenderajt: Shoqata “Jetimët e Ballkanit” s’ka sjellë mish të prishur, faji është te frigoriferi

Komuna e Skenderajt është deklaruar rreth sasisë së mishit të prishur, i cili është asgjësuar nga AUV, pasi nuk ishte për konsum.

“800 kilogramë mish ka ardhur në gjendje të rregullt, për t’u shpërndarë për familjet në nevojë për nder të Kurban Bajramit, nga Shoqata “Jetimët e Ballkanit”. Më datë 12 gusht, një ditë pas Bajramit, e tërë sasia e mishit është futur në frigoriferë për të ruajtur freskinë, mirëpo për shkak se aparati ftohës ose nuk ishte në gjendje të rregullt funksioni ose ka pasur mungesë të energjisë elektrike, mishi gradualisht ka filluar të prishet, dhe më 19 gusht, pas inspektimit nga ana e inspektorëve të AUV-së, është bërë asgjësimi i tij nga kompania e pastrimit në Mitrovicë”, thuhet në sqarim.

Komuna e Skenderajt konstaton se Shoqata “Jetimët e Ballkanit” nuk ka sjellë mish të prishur për shpërndarje.

Bashkësia Islame e Kosovës tregon krejt çfarë ka ndodhur me mishin e asgjësuar nga AUVKBashkësia Islame e Kosovës tregon krejt çfarë ka ndodhur me mishin e asgjësuar nga AUVK

Komuna e Skenderajt e vlerëson bashkëpunimin e mirë me “Jetimët e Ballkanit”, e cila vazhdon të ndihmojë familjet me gjendje të rëndë ekonomike e sociale, duke u shpërndarë gjëra ushqimore, ndërtuar shtëpi banimi dhe veprime të tjera humanitare.

Ndryshe, Agjencia e Ushqimit dhe Veterinarisë ka asgjësuar 800 kilogramë mish gjedhi të destinuar për familjet në nevojë të shoqatës ‘Jetimët e Ballkanit’, pasi nuk i plotësonte kushtet për konsum.

Lajmi për KosovaPress dje ishte konfirmuar nga zëdhënësi për media në AUV, Lamir Thaçi.

“Kemi pranuar një kërkesë nga inspektorët komunalë të Skenderajt, për kontroll të një sasie të mishit të destinuar për familjet në nevojë të shoqatës ‘Jetimët e Ballkanit’, dhe për të njëjtën sasi prej 800 kg inspektori veterinar i AUV-së ka vendosur se mishi nuk i plotëson kushtet për konsum dhe është bërë asgjësimi i tij nga kompania ‘Pastrimi’ në Mitrovicë më datë 19.08.2019”, ka thënë Thaçi. /kp/

TË ngjajshme

Qytetarët e Kamenicës në hall nga mushkonjat (Video)

Radio-Ahireti

Javën e ardhshme pritet të shpallen rezultatet përfundimtare të zgjedhjeve

Radio-Ahireti

Trembëdhjetë vjet nga propozimi i Planit të Ahtisarit për pavarësinë e Kosovës

Radio-Ahireti

Kosova shënon rastet e para me variantin e ri të COVID-19

Radio-Ahireti

Albin Kurti të shtunën ligjeron në Oxford Political Review

Radio-Ahireti

KQZ vazhdon procesin e verifikimit të aplikuesve nga jashtë Kosovës

Radio-Ahireti