kosova-se-shpejti-do-te-siguroje-mbi-100-mije-doza-te-vaksines-pfizer/biontech

Kosova së shpejti do të sigurojë mbi 100 mijë doza të vaksinës Pfizer/BioNTech

Kosova do të sigurojë mbi 100,000 vaksina kundër koronavirusit Pfizer/BioNTech deri në fund të qershorit.

Lajmi u bë i ditur nga programi COVAX i Organizatës Botërore të Shëndetësisë, i cili synon shpërndarjen e drejtë të vaksinave edhe në vendet në zhvillim.

COVAX publikoi të hënën një listë me 146 vende të botës, ku ka shpërndarë dhe pritet të shpërndajë vaksina kundër koronavirusit.

Në këtë listë bëhet e ditur se në rundin e tretë të shpërndarjes nga COVAX, i cili përfshin periudhën prill-qershor 2021, Kosova do të sigurojë 100,620 doza të vaksinës Pfizer/BioNTech.

Kosova, në fund të muajit të kaluar, ka marrë 24,000 doza të vaksinës AstraZeneca, përmes COVAX-it.

Në listën e publikuar të hënën bëhet e ditur se në rundin e dytë të shpërndarjes nga COVAX, që mbulon periudhën shkurt-maj 2021, Kosova do të sigurojë në total 100,800 vaksina AstraZeneca.

Marrë parasysh 24,000 dozat fillestare, Kosova do të marrë edhe 76,800 vaksina AstraZeneca deri në fund të muajit të ardhshëm.

Si Pfizer/BioNTech, ashtu edhe AstraZeneca duhet të jepen në dy doza për të arritur efektin maksimal.

Fushata e vaksinimit në Kosovë ka nisur më 29 mars.

Prioritet në imunizim u është dhënë punonjësve shëndetësorë dhe të moshuarve.

Kosova, deri më 12 prill, ka regjistruar mbi 98,341 raste me koronavirus dhe 1,996 viktima.

Numri i rasteve aktive aktualisht është 13,763.

The post Kosova së shpejti do të sigurojë mbi 100 mijë doza të vaksinës Pfizer/BioNTech appeared first on Mesazhi.com.

TË ngjajshme

Maqedonia e Veriut dhe Bullgaria ndihmojnë Kosovën në evitimin e krizës së ushqimit për shpezëtarinë dhe blegtorinë

Radio-Ahireti

Turqia rindërton spitalin e dëmtuar në kampin e refugjatëve Rohingya në Bangladesh

Radio-Ahireti

SHBA ofron 10 milionë dollarë shpërblim për informacionin mbi agjentin e Hezbollahut

Radio-Ahireti

Diaspora e Kosovës e pakënaqur me votimin përmes postës

Radio-Ahireti

Serbia heq flamurin shqiptar nga lapidari i dëshmorit

Radio-Ahireti

Fëmijët e kthyer nga Siria, sërish në shkolla

Radio-Ahireti