kqz-deri-tani-ka-refuzuar-rreth-5-mije-zarfe-me-fletevotime-nga-diaspora

KQZ deri tani ka refuzuar rreth 5 mijë zarfe me fletëvotime nga diaspora

Komisioni Qendror i Zgjedhjeve ka njoftuar se nga rreth 16,800 zarfe me fletëvotime nga diaspora për zgjedhjet e 14 shkurtit, që i janë nënshtruar procesit të vlerësimit, janë aprovuar rreth 11,800 sosh, ndërsa janë refuzur rreth 4,950 zarfe me fletëvotime.

Zëdhënësi i Komisionit Qendror të Zgjedhjeve (KQZ), Valmir Elezi, tha në një konferencë shtypi, se disa prej këtyre pakove janë dërguar nga persona që nuk janë të regjistruar si votues jashtë Kosovës, disa të tjera për shkak se janë dërguar nga persona që janë refuzuar në periudhën e aplikimit.

“Shërbimi votues i KQZ-së është duke vijuar me procesin e vlerësimit të rreth 43 mijë e 500 pakove të supozuara me fletëvotime dhe selektimin e tyre, të cilat i kemi pranuar gjatë periudhës së votimit përmes postës. Ky proces verifikimi do të na ndihmojë që të japim përgjigje se sa është numri i saktë i fletëvotimeve nga jashtë vendit. Deri më tani nga rreth 16 800 pako të supozuara me fletëvotime që i janë nënshtruar procesit të vlerësimit, janë aprovuar rreth 11 800 zarfe me fletëvotime, ndërsa janë refuzur rreth 4 950 zarfe me fletëvotime. Arsyet e refuzimit të tyre janë të ndryshme dhe tashmë i kemi bërë të ditura edhe dje.. Po ashtu, në disa raste pakot janë dërguar nga votues të paidentifikuar (votim grupor); apo se në pakon që kanë dërguar kanë bashkangjitur dokumente jo-valide”, ka thënë Elezi.

Ai po ashtu tregoi se në Qendrën e Numërimit dhe Rezultateve kanë shënuar progress sa i përket përmbylljes së aktiviteteve të parapara.

“Disa nga aktivitetet që po zhvillohen njëkohësisht këtu në QNR janë: procesimi i të dhënave të formularëve të rezultateve të kandidatëve dhe subjekteve politike; skanimi i listës përfundimtare të votuesve; dhe procesi i vlerësimit të pakove të supozuara me fletëvotime të cilat kanë ardhur nga jashtë Kosovës”, tha ai.

Elezi u shpreh se nga 2,382 vendvotime janë procesuar në sistem të dhënat nga formularët e subjekteve politike për 2,247 vendvotime (94.33%) dhe të dhënat për formularët e kandidatëve për 1,814 vendvotime (76.15%).

“Edhe në skanimin e listës përfundimtare të votuesve, e cila ka shërbyer që votuesit të nënshkruhen në ditën e zgjedhjeve, ka progres të theksuar. Deri më tani është skanuar lista përfundimtare e votuesve nga 2 292 vendvotime (96.22%). Siç e kemi bërë të ditur ky skanim është i domosdoshëm për të na siguruar nëse ka ose jo raste kur ndonjë votues ka votuar në vendvotimin e tij të rregullt, por edhe në vendvotimin me kusht”, tha ndër të tjera, Elezi.

Ndryshe, zgjedhjet e parakohshme për Kuvendin e Republikës së Kosovës, 2014 dhe 2017, kanë marrë pothuajse të njëjtën kohë për t’u përmbyllur. Nga dita e zgjedhjeve deri në certifikim të rezultateve KQZ-së i kanë kaluar 27 ditë më 2014 dhe 28 ditë më 2017. Numri i vendvotimeve të rinumëruara ka qenë 21% – 22% e vendvotimeve.

Ndërsa, zgjedhjet e vitit 2019, nga dita e zgjedhjeve deri në certifikim janë përmbyllur brenda 53 ditëve. Më 2019 procesi ka zgjatur më shumë për shkak të numrit të madh të vendvotimeve të rinumëruara, rreth 90% e tyre apo 2,254 nga 2,547 vendvotime.

The post KQZ deri tani ka refuzuar rreth 5 mijë zarfe me fletëvotime nga diaspora appeared first on Mesazhi.com.

TË ngjajshme

Sot përfundon afati për ankesa në PZAP

Radio-Ahireti

Racizmi, një prej arsyeve pse çifti Meghan dhe Harry u larguan nga Mbretëria e Bashkuar

Radio-Ahireti

Shefja e imunizimit në IKSHPK thotë se 70% e popullatës pritet të vaksinohen deri në fund të vitit

Radio-Ahireti

Sondazhi i ri i PIPOS: LVV e para me 43.8%, PDK shënon rritje në 21.1%, dhe LDK me 17.2%

Radio-Ahireti

Turqia njofton bllokim të pjesshëm gjatë muajit të Ramazanit

Radio-Ahireti

Ndihmat nga bota arabe për Palestinën shënuan rënie me 85 për qind

Radio-Ahireti