lideret-kryesore-evropiane-urojne-kosoven-per-13-vjetorin-e-pavaresise

Liderët kryesorë evropianë urojnë Kosovën për 13-vjetorin e pavarësisë

U.d e presidentit, Vjosa Osmani ka pranuar telegrame urimi për 13-vjetorin e pavarësisë së Kosovës nga Mbretëresha Elizabeth II e Mbretërisë së Bashkuar, presidenti gjerman Frank- Walter Steinmeier, presidenti francez Emmanuel Macron dhe ai italian Sergio Mattarella.

Në telegramin e Mbretëreshës Elizabeth II, ajo ka uruar popullin e Kosovës për ditën e pavarësisë, duke shfaqur shpresën për tejkalimin e sfidave nga pandemia.

Kurse presidenti gjerman Steinmeier, në telegram ka theksuar progresin e Kosovës në procesin e integrimit evropian.

“Reformat vendimtare dhe të qëndrueshme për forcimin dhe sundimin e ligjit, si dhe normalizimi i marrëdhënieve me Serbinë, edhe më tej janë qenësore për ta vazhduar këtë rrugë. Rifillimi i dialogut vitin e kaluar me ndërmjetësimin e BE-së, ishte një hap i rëndësishëm”, thuhet në telegramin e presidentit gjerman.

Edhe homologu i tij francez, presidenti Macron, duke uruar popullin e Kosovës për ditën e pavarësisë, ka potencuar rëndësinë e rifillimit të dialogut me Serbinë.

“Unë do të doja të përshëndesja angazhimin e Kosovës në dialogun me Serbinë që nga rifillimi i tij, pas takimit të nivelit të lartë, të cilin kancelarja Merkel dhe unë e mbajtëm më 10 korrik 2020. Unë mbështes plotësisht ndërmjetësimin e Bashkimit Evropian dhe përfaqësuesit të posaçëm për dialogun, z.Miroslav Lajçak, me synimin për të arritur një marrëveshje gjithëpërfshirëse përfundimtare dhe ligjërisht të detyrueshme”, thuhet në telegramin e presidentit Macron.

Ndërkaq presidenti italian Mattarella, gjithashtu ka përgëzuar popullin e Kosovës në 13-vjetorin e pavarësisë, duke potencuar mbështetjen për procesin e dialogut me Beogradin.

The post Liderët kryesorë evropianë urojnë Kosovën për 13-vjetorin e pavarësisë appeared first on Mesazhi.com.

TË ngjajshme

KRU “Prishtina” paralajmëron ndërprerje të ujit në disa lagje të Prishtinës

Radio-Ahireti

IPK arreston një kapiten policor të dyshuar për fajde

Radio-Ahireti

Katari ofron ndihmë financiare për familjet në nevojë në Gaza

Radio-Ahireti

Polica kërkon ndihëm e qytetarëve për arrestimin e autorit të vrasjes në Novosellë të Pejës

Radio-Ahireti

Sot më pak të infektuar me Covid-19 në Kosovë

Radio-Ahireti

7 viktima dhe 335 raste të reja me Covid 19

Radio-Ahireti