lvv-ja-synon-“legjitimitetin-moral”-per-kurtin-me-vota-te-pavlefshme

LVV-ja synon “legjitimitetin moral” për Kurtin me vota të pavlefshme

Votat për kandidatët e subjekteve politike, të cilët nuk janë certifikuar nga Komisioni Qendror i Zgjedhjeve (KQZ) për zgjedhjet e parakohshme parlamentare të 14 shkurtit, nuk do të hyjnë në Formularët e Rezultateve të Kandidatëve, konfirmon zëdhënësi i Komisionit Qendror të Zgjedhjeve, Valmir Elezi.

Rrjedhimisht, pavarësisht mundësisë që numrat dhe emrat e kandidatëve të pa certifikuar mund të marrin numër të caktuar të votave, ato nuk do të formalizohen ligjërisht.

Kjo do të vlejë edhe për liderin e Lëvizjes Vetëvendosje Albin Kurti, i cili vazhdon të thotë që është bartës i listës së këtij subjekti politik, si dhe për dy kandidatë tjerë të këtij subjekti, të cilët nuk janë certifikuar nga KQZ-ja.

Moscertifikim të kandidatëve nga ky institucion ka edhe në disa nga subjektet tjera politike, të cilat garojnë në zgjedhjet e 14 shkurtit.

Por, Lëvizja Vetëvendosje vazhdon të ftojë qytetarët që të votojnë Kurtin, duke thënë se kjo është e drejtë e votuesve nëse ata duan të bëjnë këtë dhe se një veprim i tillë nuk e dëmton Lëvizjen Vetëvendosje.

Arton Demhasaj, drejtor i Organizatës për Demokraci, Anti-korrupsion dhe Dinjitet – Çohu, vlerëson që Lëvizja Vetëvendosje po synon të arrijë legjitimitetin moral për liderin e saj Albin Kurti, në mënyrë që të ketë përkrahjen popullore për t’u zgjedhur kryeministër i vendit, në rast se ky subjekt politik i fiton zgjedhjet e parakohshme parlamentare të 14 shkurtit në Kosovë.

Një gjë të tillë nuk e mohon as Lëvizja Vetëvendosje.

KQZ: Të vlefshme vetëm votat për kandidatët e certifikuar

Në broshurën me listat e kandidatëve të subjekteve politike, të cilën e ka publikuar KQZ-ja në faqen e saj të internetit dhe e cila më 14 shkurt do të jetë në kabinat e votimit, emrat dhe numrat e kandidatëve, të cilët nuk janë certifikuar për zgjedhje, janë larguar.

Në fletëvotime, përveç që figurojnë të gjitha subjektet politike të certifikuara, janë edhe numrat për votimin e kandidatëve prej 1 deri në 110.

Valmir Elezi, zëdhënës i KQZ-së, duke folur për Radion Evropa e Lirë, ka sqaruar procedurën lidhur me nxjerrjen e rezultateve të zgjedhjeve.

Siç thotë ai, pas përfundimit të votimeve, anëtarët e Këshillit të vendvotimit, që përbëhet nga përfaqësuesit e subjekteve politike, fillimisht i numërojnë votat për subjektet politike. Më pas, krijohen dengjet me votat e vlefshme për secilin subjekt politik.

The post LVV-ja synon “legjitimitetin moral” për Kurtin me vota të pavlefshme appeared first on Mesazhi.com.

TË ngjajshme

Reduktime të ujit të pijshëm në Obiliq, Fushë Kosovë, Drenas dhe lagjja “Kalabria” në Prishtinë

Radio-Ahireti

NATO dënon vrasjen e 13 shtetasve turq nga organizata terroriste PKK

Radio-Ahireti

Kurti: Së shpejti finalizohet Programi qeverisës dhe Plani i Veprimit

Radio-Ahireti

Çavuşoğlu: Pala greke refuzoi të gjitha ofertat e zgjidhjeve për Qipron

Radio-Ahireti

OBSH: Bota mund ta vërë nën kontroll pandeminë brenda pak muajsh

Radio-Ahireti

Forcat izraelite arrestuan Sheik Ekrima Sabri, ligjëruesin e Xhamisë Al-Aksa

Radio-Ahireti