“nje-e-treta-e-personave-qe-i-mbijetuan-covid-19-vuajne-nga-crregullime-mendore”,-zbulon-studimi

“Një e treta e personave që i mbijetuan COVID-19 vuajnë nga çrregullime mendore”, zbulon studimi

Të paktën një e treta e personave që kanë kaluar COVID-19 trashëgojnë simptoma afatgjata të çrregullimeve të shëndetit mendor, thuhet në një studim të ri të publikuar të martën.

 

Studimi zbuloi se brenda një harku kohor prej gjashtë muajsh, 34 për qind e të mbijetuarve nga COVID-19 janë diagnostikuar me një lloj çrregullimi neurologjik ose psikologjik, sipas një studimi të publikuar në revistën shkencore “Lancet”.

Diagnoza më e zakonshme ishte ankthi, e detektuar në 17 për qind të rasteve që janë trajtuar për COVID-19, e më pas çrregullime të humorit në 14 për qind të pacientëve.

Studimi gjithashtu zbuloi se efektet anësore nervore ishin më të rënda tek pacientët që kanë vuajtur nga forma më të rënda të virusit.

Rezultatet e studimit janë mjaft të rëndësishme pasi mund të ndihmojnë sistemin shëndetësor të vazhdojë të ndihmojë të mbijetuarit nga virusi.

COVID-19 si sëmundje mendore

Ky është studimi më gjithëpërfshirës i këtij lloji ku janë përdorur të dhënat elektronike të më shumë se 236 mijë pacientëve, kryesisht nga Shtetet e Bashkuara.

Shkencëtarët vunë re se pacientët që kanë pasur COVID-19 kishin një rrezik 44 për qind më të lartë për të pasur sëmundje psikike krahasuar me persona që thjesht kanë kaluar gripin, si dhe kishte rreth 16 për qind më shumë gjasë që ato të përjetonin këto pasoja krahasuar me pacientë të sëmundjeve të tjera të infeksioneve të rrugëve pulmonare. /euronews

The post “Një e treta e personave që i mbijetuan COVID-19 vuajnë nga çrregullime mendore”, zbulon studimi appeared first on Mesazhi.com.

TË ngjajshme

“Të paktën 224 persona të vrarë që nga grusht shteti në Mianmar”

Radio-Ahireti

Ekspertja amerikane: Pandemia nuk po shkon drejt përfundimit, përkundrazi

Radio-Ahireti

Ngrohja e klimës: Akullnajat në botë po shkrihen me një ritëm shumë të shpejtë

Radio-Ahireti

Prokuroria Speciale tërheq urdhër-arrestin ndaj Milan Radoiçiqit, i akuzuar për vrasjen e Oliver Ivanoviqit

Radio-Ahireti

Agjërimi i Ramazanit fillon më 13 prill 2021

Radio-Ahireti

Erdogan: Turqia do ketë vaksinën e saj kundër COVID, do ta ndajmë me të gjithë

Radio-Ahireti