osmani-tek-tani-shqyrton-faljen-e-te-burgosurve,-kritikohet-se-po-demotivon-ata-me-sjellje-te-mira

Osmani tek tani shqyrton faljen e të burgosurve, kritikohet se po demotivon ata me sjellje të mira

Pavarësisht të drejtës që ia garanton kushtetuta, ajo as për 17 shkurt, as për Vitin e Ri dhe as për ditë tjetër që nga 5 nëntori kur e mori detyrën, nuk ka falur ndonjë të dënuar. Në zyrën e saj, paralajmërojnë vendime në të ardhmen.

“U.d. Presidentja Vjosa Osmani nuk ka marrë vendim për falje të të burgosurve. Do të mblidhet Komisioni përkatës në të ardhmen e afërt për shqyrtim të kërkesave për falje”, thuhet në përgjigjen e këshilltarit për media të U.D Presidentes, Bekim Kupina.

Sipas Shërbimit Korrektues të Kosovës, që nga 1 janari i vitit 2021 vetëm 9 persona kanë paraqitur kërkesë për falje pranë Zyrës së Presidencës.

Por nga ky institucion bëhet e ditur se në sirtarë të presidencës janë të trashëguara edhe kërkesa që u shkuan sa në krye të shtetit ishte Hashim Thaçi, plot 384 kërkesa pa përgjigje vetëm nga viti 2020.

Këtë praktikë, drejtuesi i Këshillit për Mbrojtjen e të Drejtave dhe Lirive të Njeriut e sheh si demotivim për të mbyllurit brenda qelive. Behxhet Shala madje thotë se përnjëherë tani do të mund të liroheshin 200 deri në 300 të burgosur për shkak të sjelljeve të mira.

Praktikë të mos-faljes pati ndjekur edhe Atifete Jahjaga e cila prej 2014-ës deri në përfundim të mandatit nuk e fali askënd., derisa listës për të falur, i prinë Jakup Krasniqi i cili më 2011-ën pati falur 103 të burgosur.

TË ngjajshme

Rritja e rasteve, IKSHPK me apel për qytetarët

Radio-Ahireti

Edhe ky vit pa liberalizim, njohësit e çështjeve politike tregojnë pengesat e këtij procesi

Radio-Ahireti

Ky është moti për dy ditët e ardhshme

Radio-Ahireti

Asambleistja e AAK-së në Pejë aderon në PDK

Radio-Ahireti

Vdes një 48-vjeçar, bie nga ndërtesa në Veternik

Radio-Ahireti

698 raste të reja dhe 12 humbje jete nga koronavirusi në Shqipëri

Radio-Ahireti