pallaska:-osmani-dikur-mahnitej-kur-e-kritikoja-kurtin,-tash-thote-se-paskam-urrejtje-patologjike-ndaj-tij

Pallaska: Osmani dikur mahnitej kur e kritikoja Kurtin, tash thotë se paskam urrejtje patologjike ndaj tij

Ai pohon se pas një interviste të Pallaskës në T7 më 2019, Osmani ishte mahnitur me kritikat e Pallaskës ndaj Kurtit, duke i kërkuar takim, dhe se një shkëmbim i tillë është i dokumentuar me shkrim.

“Nuk mund të pritet asgjë më shumë nga dikush që nuk ka respekt as ndaj vetvetes”, shkruan Pallaska në llogarinë e tij në Facebook.

“Përndryshe, çka mund t’i duket Znj. Osmani dhe shefit të saj të ri si ‘urrejtje’ është thjesht ALERGJI”.

“Alergji ndaj hipokrizisë, obsesionimit me pushtet dhe keqpërdorimit të politikës për shërim të komplekseve personale”.

Më poshtë mund ta lexoni statusin e plotë të Pallaskës:

Reagim ndaj deklaratës së Znj. Osmani për intervistën time në Rubikon të javës së shkuar

Me 17 shtator 2019 isha në intervistë në Pressing për të ekspozuar, ndër tjerash, popullizmin e rrezikshëm të liderit të Lëvizjes Vetëvendosje gjatë asaj fushate zgjedhore.
Një ndër personat që ishte impresionuar më së shumti me kritikat e mija ndaj ideologjisë dhe politikave të Lëvizjes Vetëvendosje dhe liderit të saj ishte Znj. Osmani.
Aq shumë ishte mahnitur Znj. Osmani me qëndrimet e mija kundër demagogjisë së Lëvizjes Vetëvendosje, sa që më kërkoi me ngulm ta takoj sa më shpejtë që të jetë e mundur. Për fat të mirë biseda është e dokumentuar pasi që ishte me shkrim.
Sonte Znj. Osmani e paska cilësuar “urrejtje patologjike” intervistën time të para disa ditëve në Rubikon ku, ndër tjerash, kam përsëritur kritikat e vitit 2019 për shefin e saj të ri.
Për fat të keq, sot ato kritika vlejnë edhe për Znj. Osmani për shkak të përpjekjeve të saja dëshpëruese për ta impresionuar shefin e saj të ri duke e imituar.
I pritshëm ky ndryshim i qëndrimit të saj pasi që iu dorëzua kundërshtarit të saj politik i cili e mposhti në zgjedhjet e 2019.
Madje, nuk ishte asgjë në krahasim me VETË-KRITIKËN që sonte ia bëri vetes për shkak se në vitin 2019 kishte GUXUAR ta krahasonte shefin e saj të ri me Hugo Chavez-in.
Nuk mund të pritet asgjë më shumë nga dikush që nuk ka respekt as ndaj vetvetës.
Përndryshe, çka mund t’i duket Znj. Osmani dhe shefit të saj të ri si “urrejtje” është thjeshtë ALERGJI.
Alergji ndaj hipokrizisë, obsesionimit me pushtet dhe keqpërdorimit të politikës për shërim të komplekseve personale.
Alergji që shkaktohet nga reagimi i sistemit imunitar të secilit njeri normal që nuk varet nga politika, udhëhiqet nga arsyeja e shëndoshë dhe, si
pasojë, ka konsistencë të mendimit dhe veprimit.
Virtyte të cilat duket se janë të huaja për Znj. Osmani. /Lajmi.net/ 

TË ngjajshme

Ahmeti: Tepër lajm i mirë ardhja e vaksinave, por ceremoninë e pranimit nuk e kuptova

Radio-Ahireti

Acari në Gjermani, kosovari lëshon hotelet e tij për të pastrehët

Radio-Ahireti

Aksioni i policisë në Podujevë, arrestohet Besim Hajdari-Ciprra

Radio-Ahireti

Tahiri: Kurti që një kohë është humbur fare, nuk jep kurrfarë përgjegjësie para qytetarëve

Radio-Ahireti

Berisha për Haradinajn e Gucatin: Kemi dy të akuzuar në Hagë sepse avokati i këshilloi keq

Radio-Ahireti

KEDS apelon për kursim të rrymës

Radio-Ahireti