presidenti-turk-pret-ne-takim-ne-ankara-zyrtaret-e-larte-te-be-se

Presidenti turk pret në takim në Ankara zyrtarët e lartë të BE-së

Në vazhdën e përmirësimit të lidhjeve midis Turqisë dhe Bashkimit Evropian (BE), presidenti turk, Recep Tayyip Erdoğan, ka pritur në takim në Ankara zyrtarë të lartë të BE-së të cilët po qëndrojnë për vizitë zyrtare në vend, raporton Anadolu Agency (AA).

Në kompleksin presidencial në Ankara, presidenti Erdoğan u takua me kreun e Këshillit të BE-së, Charles Michel dhe kreun e Komisionit të BE-së, Ursula von der Leyen.

Pas takimit pothuajse tre orësh, në një konferencë për media në Delegacionin e BE-së në Ankara, Michel tha se “BE-ja është e gatshme të paraqesë një axhendë konkrete për të përforcuar bashkëpunimin në ekonomi dhe imigrim, si dhe në lidhjet ndër-shoqërore”.

Michel tha se BE-ja njeh rëndësinë strategjike të marrëdhënieve reciprokisht të dobishme dhe pozitive me Turqinë, si dhe për sigurinë dhe stabilitetin në Mesdheun Lindor.

Nga ana tjetër, von der Leyen tha se vizita e tyre ka për qëllim të nxisë marrëdhëniet midis Turqisë dhe BE-së, si dhe njoftoi se gjatë takimit të tyre me presidentin turk janë mbuluar “fushat e dobishme të bashkëpunimit”.

“Ne do të merremi me vështirësitë aktuale në zbatimin e Unionit Doganor dhe përfundimisht do të punojmë për të azhurnuar atë”, theksoi von der Leyen, duke iu referuar marrëveshjes tregtare të vitit 1995 midis Turqisë dhe bllokut evropian.

The post Presidenti turk pret në takim në Ankara zyrtarët e lartë të BE-së appeared first on Mesazhi.com.

TË ngjajshme

VV shprehet e gatshme të tërhiqet nga Ligji për Zgjedhjet dhe të hapë rrugë për votimin e Osmanit për presidente

Radio-Ahireti

Qeveria Kurti i vendos sanksione Kinës

Radio-Ahireti

Tre të vdekur dhe 249 raste të reja me COVID-19 në Kosovë

Radio-Ahireti

PSD aksion simbolik: Albin Kurti “riciklim i mendësisë së vjetër”

Radio-Ahireti

Varianti i ri i COVID-19 në Kosovë, IKSHPK del me apel për qytetarët

Radio-Ahireti

9 të vdekur dhe 269 raste të reja me Covid-19 në Kosovë

Radio-Ahireti