receta-e-dites-–-tasqebap-ne-furre

Receta e ditës – Tasqebap në furrë

Kjo është një recetë tipike e kuzhinës shqiptare, shumë e shijshme, e plotë dhe mbetet përherë një nga gatimet më të preferuara, transmeton lajmi.net.

Tasqebapi është një ndër gatimet më speciale të traditës shqiptare, i përgatitur nga të gjitha trevat e që sot po tërheq vëmendjen e shumë turistëve që vijnë e shijojnë gatimet shqiptare.

Një element që përqendron shijen tipike të Tasqebapit duke e bërë atë perfekt për t’u shoqëruar me sallata të ndryshme të stinës, perime të pjekura, pure patatesh, salca të ndryshme apo edhe turshi të përgatitura vetë.

Më poshtë iu sjellim mënyrën e thjeshtë të përgatitjes së Tasqebapit në furrë, një mënyrë ideale për ta shijuar bashkë me familjen.

Përgatitja e Tasqebapit në Furrë

(Përbërësit e kësaj recete janë për 4-5 persona)

500 gr mish

2-3 kokrra qepë

4-5 lugë gjelle vaj ulliri

1 lugë gjelle me miell

gjysmë filxhan çaji me verë

1 gjethe dafine

gjysmë lugë gjelle me salcë ose 2-3 kokrra domate mesatare

3-4 thelbinj hudhra

kripë dhe pak spec i kuq

2 lugë gjelle uthull molle

Përgatitja

Tasqebapi zakonisht, përgatitet me mish viçi ose dashi.

Mishi tul pritet në shirita të hollë në drejtimin e kundërt të fijeve ose në copa katrore.

Skuqet në vaj ulliri së bashku me qepët e prepra fije-fije, derisa t’i avullojë uji dhe krijohet një shtresë e kuqe.

Shtohet mielli, kaurdiset edhe pak, shuhet me verë, hidhet salcë domatesh, gjethe dafine, disa thelbinj hudhër, uthull, kripë dhe ujë sa të mbulohet mishi.

Lihet të ziejë në zjarr të ngadaltë.

Ndërkohë 10 minuta para se gjella të jetë gati, pra kur lëngu të jetë trashur dhe mishi të jetë zbutur futeni në furrë të parangrohur në 250 gradë dhe lëreni përreth 10 minuta.

Tasqebapi shoqërohet me salcën e vet.  /Lajmi.net/

TË ngjajshme

Si ndikon pranvera tek ne? Këto 4 ndryshime ndodhin tek ju

Radio-Ahireti

Lakror misri me hithra

Radio-Ahireti

Makarona në furrë me qofte të vogla – Shija që nuk duhet të mungoj në shtëpinë tuaj

Radio-Ahireti

Mënyrat më të mira për trashjen e reçelit që nuk ia humbin shijen

Radio-Ahireti

Patate me qepë të pjekura në furrë – Receta e të dielës

Radio-Ahireti

Receta ditore – Rizoto me domate dhe borzilok

Radio-Ahireti