Image default

Reduktime të ujit të pijshëm në Obiliq, Fushë Kosovë, Drenas dhe lagjja “Kalabria” në Prishtinë

Kompania Rajonale e Ujësjellësit “Prishtina” njofton se do të ketë reduktime të ujit të pijshëm në Obiliq, Fushë Kosovë, Drenas dhe lagjja ‘Kalabria’ në kryeqytet.

Sipas kompanisë, reduktimet janë si pasojë e turbullirës në kanalin e Ibër Lepencit.

“Si pasojë e reshjeve të shiut ditët e fundit, janë rritur rrjedhjet sipërfaqësore në zonat fushore dhe pastaj të njëjtat kanë përfunduar sërish te kanali i Ibër Lepencit, kanal prej të cilit merret uji i pa përpunuar për tu trajtuar pastaj për pije (ITUP Shkabaj). Si shkak i kësaj, kemi rritje të turbullirës në atë nivel që bënë të pamundur trajtimin e ujit për pije konform standardeve dhe teknologjisë që posedojmë. Me qëllim që të ruajmë kualitetin e ujit për pije, t’i ruajmë pajisjet teknologjike, jemi të detyruar të zvogëlojmë në minimum prodhimin e ujit nga ky impiant, me ç’rast jemi detyruar të ndërpremë furnizimin me ujë të pijshëm për konsumatorët e zonave: Obiliq, Fushë Kosovë, Drenas dhe lagjja ‘Kalabria’ në Prishtinë”, thuhet në njoftim, përcjell Telegrafi.

KRU tregon se do të ketë ndërprerje edhe në disa zona tjera në Prishtinë.

“Si pasojë e ndërprerjes së punës në ITUP Shkabaj, edhe disa zona tjera në Prishtinë do të kenë reduktime në periudhën e mesditës dhe gjatë natës, më konkretisht ata të cilët furnizohen me ujë nga sistemi i Badocit si dhe nga Kodra, për shkak të alternativave teknike për furnizim të zonave më të afektuara nga kjo turbullirë. Në momentin që kushtet lejojnë që uji të trajtohet dhe të garantohet cilësia e duhur pas trajtimit, ne do e rikthejmë gjendjen normale me trajtim dhe furnizim”, përfundon njoftimi.

The post Reduktime të ujit të pijshëm në Obiliq, Fushë Kosovë, Drenas dhe lagjja “Kalabria” në Prishtinë appeared first on Mesazhi.com.

TË ngjajshme

Kolonë 300 metra e pritje 50 minuta, gjendja aktuale nëpër pika kufitare

Radio-Ahireti

Shqiptarët e veriut ndihen të diskriminuar edhe 13 vjet pas Pavarësisë së Kosovës

Radio-Ahireti

Një 22 vjeçar gjendet pa shenja jete në Banjë të Pejës

Radio-Ahireti

103 raste të reja me coronavirus – këto janë komunat ku u rrit numri i personave të infektuar me virus

Radio-Ahireti

Shqipëria mbulohet nga bora, vështirësi në qarkullimin e mjeteve për shkak të ngricave

Radio-Ahireti

Diaspora e Kosovës e pakënaqur me votimin përmes postës

Radio-Ahireti