rezervat-e-bankes-qendrore-te-turqise-arrijne-93.3-miliarde-dollare-ne-dhjetor

Rezervat e Bankës Qendrore të Turqisë arrijnë 93.3 miliardë dollarë në dhjetor

Rezervat e Bankës Qendrore të Turqisë arritën në 93.3 miliardë dollarë në fund të dhjetorit të vitit 2020, njoftoi sot banka, transmeton Anadolu Agency (AA).

Vlera e aseteve të përgjithshme të rezervës u rritën me 12.8 për qind në dhjetor nga fundi i nëntorit, sipas raportit të rezervave ndërkombëtare dhe likuiditetit të valutës së huaj të bankës.

Rezervat e valutave të huaja, në monedha të huaja të konvertueshme, arritën në 48.5 miliardë dollarë, me një rritje prej 17.8 për qind nga muaji i kaluar.

Në dhjetor, rezervat e arit të bankës, përfshirë depozitat e arit dhe shkëmbimi i arit u rritën me 8.1 për qind në bazë mujore në 43.2 miliardë dollarë.

Tërheqjet afatshkurtra neto të paracaktuara të qeverisë dhe Bankës Qendrore, përfshirë huatë në valutë të huaj, letrat me vlerë dhe detyrimet e depozitave devizore u rritën me 2.4 për qind në 28.3 miliardë dollarë.

Prej tyre, rreth 23 miliardë dollarë ishin ripagesa të kapitalit dhe 5.3 miliardë dollarë të pagesës së interesit, thuhet në raport.

Përveç kësaj, detyrimet e papaguara të këmbimit valutor dhe arit që vijnë nga aktivitetet financiare të bankës me banka rezidente dhe jorezidente qëndronin në 61.9 miliardë dollarë, nga të cilat 23.4 miliardë dollarë priten për një muaj, thekson raporti.

The post Rezervat e Bankës Qendrore të Turqisë arrijnë 93.3 miliardë dollarë në dhjetor appeared first on Mesazhi.com.

TË ngjajshme

Turbullohet uji në Liqenin e Badocit, reduktime në Prishtinë, Fushë Kosovë e Obiliq

Radio-Ahireti

Agjërimi i Ramazanit fillon më 13 prill 2021

Radio-Ahireti

Turqia dënon me burgim të përjetshëm 5 persona për vrasjen e të dërguarit rus

Radio-Ahireti

KQZ merr përsipër organizmin e zgjedhjeve edhe në veri

Radio-Ahireti

Exit Poll i Kanal 10: LVV 53 për qind, Nisma nuk e kalon pragun

Radio-Ahireti

Partia e Shqiprim Arifit fituese e zgjedhjeve në Preshevë

Radio-Ahireti