sot-eshte-afati-i-fundit-per-dorezimin-e-listave-–-asnje-parti-e-madhe-shqiptare-nuk-ka-aplikuar-deri-tani

Sot është afati i fundit për dorëzimin e listave – asnjë parti e madhe shqiptare nuk ka aplikuar deri tani

Sot është dita e fundit për subjektet politike që të dorëzojnë listat e tyre me emrat e kandidatëve për deputetë, të cilët pas çertifikimit do të mund të garojnë për ulëse në Kuvendin e Kosovës.

Deri më tani vetëm 10 subjekte politike me gjithsej 210 kandidatë, kryesisht nga radhët e komuniteteve, kanë dorëzuar në KQZ aplikimin për çertifikim për pjesëmarrje në zgjedhje si dhe listën me emrat e kandidatëve për deputetë.

Pas Aktgjykimit të Gjykatës Kushtetuese, ku konstatohet se personi i dënuar për vepër penale me një vendim gjyqësor të formës së prerë në 3 vitet e fundit, nuk mund të jetë kanidat për deputet, KQZ-ja ka bërë të ditur se do t’i dërgojë listat me emrat e të gjithë kandidatëve në Këshillin Gjyqësor të Kosovës (KGjK).

Gjithashtu, listat me emrat e kandidatëve për deputetë do t’iu dërgohen edhe në 5 institucione tjera përveç KGjK-së, pra në Ministri të Punëve të Brendshme, Ministri të Punëve të Jashtme, Ministri të Mbrojtjes, Agjencinë e Kosovës për Inteligjencë dhe në Panelin Zgjedhor për Ankesa dhe Parashtresa.

Sipas Zëdhënësit të KQZ-së, Valmir Elezi listat me emrat e kandidatëve për deputetë do t’iu dërgohen këtyre institucioneve më së largu deri më 18 janar, ndërsa do të presin përgjigje deri më 20 janar.

Nëse një kandidat nuk do të çertifikohet nga KQZ, i njëjti do të mund të bëjë ankesë në Panelin Zgjedhor për Ankesa dhe Parashtresa dhe pastaj çështja mund të shkojë edhe në Gjykatën Supreme.

I gjithë procesi i ankesave dhe vendimmarjes nga KQZ-ja, planifikohet të përmbyllet deri më 31 janar. Tërheqja e shortit për renditjen e subjekteve politike është planifikuar të bëhet më 1 shkurt. Fushata zgjedhore për subjektet politike do të fillojë më 3 shkurt.

The post Sot është afati i fundit për dorëzimin e listave – asnjë parti e madhe shqiptare nuk ka aplikuar deri tani appeared first on Mesazhi.com.

TË ngjajshme

Rekord rastesh me Covid-19 në Kosovë

Radio-Ahireti

PZAP gjobit AAK-në dhe Nismën me 43 mijë euro

Radio-Ahireti

OBSH: Nuk ka të dhëna të mjaftueshme për të mbështetur pasaportat e vaksinimit

Radio-Ahireti

Një muaj paraburgim ndaj të dyshuarit për krime lufte në Izbicë të Skenderajt

Radio-Ahireti

Ministri i Jashtëm i Francës: Kina po sterilizon myslimanët Ujgurë

Radio-Ahireti

Berlin: Sërish ndërprerje pjesërisht e vaksinimeve me AstraZeneca

Radio-Ahireti