supa-e-pules-me-lulelaker-–-shendeti-ne-nje-pjate-supe

Supa e pulës me lulelakër – Shëndeti në një pjatë supë

E lehtë dhe shumë e shëndetshme. Supa me lulelakër është receta më e mirë për të mbajtur trupin në formë dhe mendjen e mprehtë.

Kjo supë është një alternativë shumë e mirë për të ngrohur organizmin dhe për të mposhtur virozat e stinës.

Përbërësit

(Përbërësit më poshtë janë për 4-5 persona)

Një pulë e vogël ose 4-5 copa mish pule

300 gr lulelakër

1 patate mesatare

1 karrotë (sipas preferencës)

Një lugë çaji me gjalpë të freskët

2-3 lugë gjelle vaj ulliri

Kripë

Piper

Majdanoz i freskët

Përgatitja

Pastrojmë mishin e pulës me ujë të rrjedhshëm.

Pastrojmë me ujë të rrjedhshëm lulelakrën, të cilat i ndajmë në degëza ndërsa patatet i presim në kubikë shumë të vegjël. Nëse dëshironi të shtoni edhe karrota prijini ato në kubikë shumë të vegjël gjithashtu.

Vendosim një tenxhere në zjarr dhe hedhim vajin e ullirit dhe pak gjalpë të freskët, shtojmë patatet, i kaurdisim për disa minuta dhe më pas shtojmë lulelakrat, i kaurdisim pak dhe i heqim dhe i vendosim në një enë mënjanë.

Ndërkohë në tenxheren me yndyrën e mbetur shtojmë copat e mishit të pulës i kaurdisim, shtojmë kripën dhe më pas shtojmë ujë derisa të mbulohen mirë dhe e lëmë që të ziejë.

Pasi mishi i pulës të ketë zierë, shtojmë lulelakrat dhe patatet dhe i lëmë të ziejnë për maskimumi 5-7 minuta.

Vlerat Ushqyese të Lulelakrës

Lulelakra është e pasur me vitaminë C, K, B-6 dhe acid folik. Ajo përmban gjithashtu kalcium, hekur, magnez, fosfor dhe një sërë vitaminash të tjera të dobishme për organizmin.

Lulelakra përmban antioksidantë që parandalojnë mutacionet e qelizave dhe ulin stresin që formohet nga radikalet e lira.

Lulelakra është e pasur në fibra dhe ujë. Për këtë arsye ajo lufton sëmundjet e lidhura me aparatin tretës.

Ajo ndihmon dhe në parandalimin e sëmundjeve kardiovaskulare, diabetit dhe obezitetit.

Një tjetër përbërës i lulelakrës, kolina, ndihmon në forcimin e memorjes, të muskujve, si dhe ndihmon me problemet e gjumit./Lajmi.net/

TË ngjajshme

Xhenxhefil, karrota dhe portokalle – Pija plot vitamina që duhet ta pini përditë

Radio-Ahireti

Nga tensioni i lartë tek problemet e frymëmarrjes, ja pse duhet të pini sa më parë lëng hudhrash

Radio-Ahireti

Receta vegjetariane – Qofte shtëpie me lulelakër

Radio-Ahireti

Si ndikon pranvera tek ne? Këto 4 ndryshime ndodhin tek ju

Radio-Ahireti

Receta për ‘muffin’ pa gluten dhe pa alergjenë

Radio-Ahireti

Hasude e pjekur në furrë – Receta e veçantë nga Shqipëria

Radio-Ahireti