tensionet-ne-ukrainen-lindore,-presidenti-volodymyr-zelenskyy-takim-me-erdoganin

Tensionet në Ukrainën lindore, presidenti Volodymyr Zelenskyy takim me Erdoganin

Pas një takimi të zhvilluar të shtunën në Stamboll, presidentët e Ukrainës dhe Turqisë theksuan rëndësinë e integritetit territorial të Ukrainës, de-përshkallëzimin e tensioneve në Ukrainën lindore dhe sigurinë në Detin e Zi.

Vizita e Presidentit ukrainas Volodymyr Zelenskyy në Turqi vjen mes tensioneve të ringjallura në Ukrainën lindore, ku forcat ukrainase dhe separatistët e mbështetur nga Rusia kanë luftuar që nga viti 2014.

Rusia ka forcuar trupat e saj përgjatë kufirit dhe ka paralajmëruar Ukrainën që të mos përpiqet të rimarrë territorin e kontrolluar nga separatistët.

Kiev hedh poshtë pretendimin se po përgatitet për një ofensivë. Ndërtimi ushtarak rus në kufirin ukrainas ka ngritur shqetësime në Shtetet e Bashkuara dhe Evropë.

“Si Turqi, ne kemi mbrojtur me forcë integritetin territorial dhe sovranitetin e Ukrainës. Ne kemi konfirmuar edhe një herë vendimin tonë kryesor për të mos njohur aneksimin e Krimesë”, u shpreh Recep Tayyip Erdogan, president i Turqisë.

“Unë informova palën turke për detaje për situatën në territoret e okupuara përkohësisht të Ukrainës, Donbass dhe Krime. Informova në veçanti për shkeljen e të drejtave të njeriut në gadishull dhe për vendosjen e trupave ushtarake në mënyrë të vazhdueshme”, deklaroi Volodymyr Zelenskyy, President i Ukrainës.

Erdogan shtoi se bashkëpunimi i Turqisë me Ukrainën nuk nënkuptonte se po mbante një qëndrim kundër ndonjë vendi tjetër.

Turqia është një anëtare e NATO-s, por Erdogan dhe Presidenti rus Vladimir Putin kanë krijuar një marrëdhënie të ngushtë, duke nënshkruar marrëveshje të energjisë, mbrojtjes dhe tregtisë.

Ata gjithashtu kanë zbutur palët kundërshtare në konflikte të tjera, duke përfshirë Sirinë, Libinë dhe Nagorno -Karabakun.

Presidenti Erdogan dhe homologun rus folën të premten në telefon, duke diskutuar për Ukrainën dhe çështje të tjera.

Kremlini tha se Putini shprehu shqetësime se Ukraina “kohët e fundit rifilloi provokimet e rrezikshme në vijën e kontaktit” në Ukrainën lindore. /euronews

The post Tensionet në Ukrainën lindore, presidenti Volodymyr Zelenskyy takim me Erdoganin appeared first on Mesazhi.com.

TË ngjajshme

Kosova mori sot mbi 3,000 vaksina Pfizer nga BE-ja, të mërkurën arrijnë edhe 38,400 vaksina

Radio-Ahireti

 Të lodhur nga bllokimet, parqet në Ontario stërmbushen me kampistë

Radio-Ahireti

Irani propozon linjë alternative transporti për Kanalin e Suezit

Radio-Ahireti

Numërohen mbi 17 mijë vota nga diaspora, LVV merr 12,700 vota

Radio-Ahireti

​Konsumatorët të pa mbrojtur, ngritet 100 përqind numri i ankesave, trajtohen vetëm gjysma e tyre

Radio-Ahireti

​Hoti me premtim të ri: Këtë muaj do të arrijnë në Kosovë vaksinat e para anti-COVID 19

Radio-Ahireti