Image default

Thesari: Pagesat e komunës së Prishtinës për të prekurit e pandemisë do të kryhen për 48 orë

Thesari i shtetit ka thënë se ka pranuar kërkesën nga komuna e Prishtinës të martën (dje) dhe se menjëherë ka filluar të trajtohet dhe qasjet do të ofrohen sapo të përfundojë procesi.

“Qasja e organizatave buxhetore në Sistemin e Thesarit bazohet në legjislacionin dhe procedurat në fuqi. Secila organizatë që e ka përfunduar dhe sjellë dokumentacionin e kompletuar në Thesar është pajisur me qasje në SIMFK dhe buxheti për vitin 2021 ka filluar të ekzekutohet”, ka thënë Ministria e Financave.

“Megjithatë, ka ende disa organizata të cilat janë në proces të kompletimit të dokumentacionit dhe qasjet e tyre do të krijohen sapo të përfundojnë procedurat e parapara ligjore dhe teknike. Është krejtësisht në dorën e organizatave buxhetore (OB) plotësimi i dokumentacionit dhe kërkesave të legjislacionit sa i përket qasjes në sistem”.

“Njëra nga këto organizata është edhe Komuna e Prishtinës, e cila ditën e djeshme ka kompletuar kërkesën për qasje në sistem (26.01.2021), bashkë me kërkesën për trajtim dhe certifikim të Zyrtarit Kryesor Financiar (i emëruar dje, 26.01.2021)”.

Ky reagim i Thesarit vjen pas deklaratës së kryetarit të Prishtinës, Shpend Ahmeti, i cili tha se ky institucion ende nuk është rihapur për t’i kryer pagesat.

“Pagesat (nga llogaria e Shtetit te llogaritë personale) ekzekutohen nga Thesari i Republikës së Kosovës, pas dorëzimit të kërkesës për secilën pagesë nga Komuna. Sipas legjislacionit në fuqi, niveli qendror e ka mbyll Thesarin në fund të dhjetorit për të përmbyll vitin financiar dhe ende nuk është rihap. Në momentin që Thesari hapet dhe mjetet alokohen për Komunat sipas Ligjit në Fuqi, pagesat do të vazhdojnë për të gjithë përfituesit”.

TË ngjajshme

Fuqizimi i grave, vetëm gjatë fushatave

Radio-Ahireti

Biden shprehet “shumë i shqetësuar” për trajtimin e Navalnyt

Radio-Ahireti

Hoti tregon në detaje problemet që çuan në prishjen e koalicionit Vetëvendosje-LDK: E kemi lutur

Radio-Ahireti

Ariu i Prizrenit shkakton sërish dëme, ia mbyt tetë dele një banori të fshatit Pousk në Prizren

Radio-Ahireti

Edhe 7 mijë e 539 raste aktive me koronavirus në Kosovë – A do ketë shtrëngim të masave?

Radio-Ahireti

I jepet lamtumira e fundit Albert Krasniqit

Radio-Ahireti