vdes-nga-coronavirusi-gruaja-e-adem-demacit

Vdes nga coronavirusi gruaja e Adem Demaçit

Gruaja e veprimtarit Adem Demaçit, Xhemajlije Hoxha Demaçi, ka vdekur nga coronavirusi.

Këtë e ka bërë të ditur, djali i saj, Shqiptar Demaçi përmes një postimi në lloagrinë e tij në rrjetin social Facebook.

“Ju njoftojmë se nëna, vjehrra e gjyshja – Xhemajlije Hoxha Demaçi ndërroi jetë sot pasdite nga pasojat e Covid 19. Varrimi bëhet nesër në ora 12:30 në varrezat e Lagjes Arbëria (ish -Dragodani) nga rrethi i saj familjar. Të pame nuk do të organizohet për shkak të pandemisë”, ka shkruar ai.

Përgjatë kohës sa Demaçi mbante burg, regjimi jugosllav e kishte larguar nga puna gruan e tij, Havën, në Prilluzhë të Vushtrrisë ku punonte si mësuese, duke e kthyer më vonë si pastruese në të njëjtën shkollë.

Duke i ndjerë edhe vuajtjet e bashkëshortes, Demaçi i shkroi letër Xhemajlies.

“I shkrova letër Xhemajlies ku kërkova të iniciojë kërkesën për shthurje të bashkëshortësisë. Xhemajlia fillimisht refuzoi prerazi. Më vonë u detyrua ta pranojë që ta sigurojë ekzistencën për vete dhe fëmijët. Menjëherë Xhemajlia u kthye në vendin e punës nga pastruese në mësuese. Unë u ndjeva shpirtërisht i lehtësuar”, kishte thënë Demaçi në librin e Fahrudin Radonqiq “10 mijë ditë në burg”.

Pas ndarjes dhe martesës me gruan e dytë, Demaçi ishte ri-bashkuar me Xhemajlien, me të cilën jetuan bashkë deri sa vdiq.

Xhemajlije Hoxha Demaçi ishte 79 vjeçare.

The post Vdes nga coronavirusi gruaja e Adem Demaçit appeared first on Mesazhi.com.

TË ngjajshme

Tërmkolli: Jam kandidate për kryetare të LDK-së

Radio-Ahireti

Ende i paqartë kalendari i tërheqjes së trupave amerikane nga Iraku

Radio-Ahireti

Varianti i ri i COVID-19 në Kosovë, IKSHPK thirrje qytetarëve: Qëndroni në shtëpi

Radio-Ahireti

Presidenti Ilham Aliyev vlerëson Selçuk Bayraktarin me “Dekoratën e Karabakut”

Radio-Ahireti

Tubime në të gjithë Mbretërinë e Bashkuar kundër ligjit të propozuar rreth protestave

Radio-Ahireti

Ndryshimi i politikës amerikane për imigracionin nxit fluksin në kufi

Radio-Ahireti