vershimet-ne-kosove,-komunat-kerkojne-nga-qeveria-te-behet-rimbursimi-i-mjeteve-per-familjet-e-prekura-gjate-janarit

Vërshimet në Kosovë, komunat kërkojnë nga Qeveria të bëhet rimbursimi i mjeteve për familjet e prekura gjatë janarit

Ditën e enjte në disa komuna në Kosovë ka pasur sërish vërshime, megjithatë situata është e menaxhueshme.

Kështu ka bërë të ditur për Telegrafin, drejtori ekzekutiv i Asociacionit të Komunave të Kosovës, Sazan Ibrahimi.

“Ka pasur në disa komuna vërshime por që situata është e menaxhushme. Vlerësimi i dëmeve bëhet pasi të ndalen vërshimet”, theksoi ai.

Ibrahimi po ashtu ka kërkuar nga Qeveria e Kosovës që të shpejtojë proceduarat për rimbursimin e mjeteve për familjet që janë prekur nga vërshimet që kanë ndodhur në fillim të muajit janar.

“Niveli qendror ka pranuar dokumentacionit nga komunat për dëmet që janë shkaktuar gjatë reshjeve të kaluara dhe ende nuk ka dal me ndonjë matës se sa janë dëmet totale, dhe të fillojë me rimbursimin e dëmeve material dhe bujqve duke u bazuar në vlerësimet paraprake. Ne kërkojmë që procesi të shpejtohet, nuk e dimë komisioni ndër ministror a është themeluar, kërkojmë nga niveli qendror të jetë më i zhurmshëm në këtë çështje”, ka thënë ai.

Tutje, ai pohoi se familjet e prekura nga vërshimet janë në pritje të këtyre mjeteve financiare.

“Procesi po zgjatë shumë, kanë pësuar ekonomitë familjare, kanë pësuar bujqit, dhe ata presin rimbursimin pasi që komuna ka dorëzuar raportet te niveli qendror”, tha ai.

Theksojmë se kryeministri në detyrë Avdullah Hoti kishte njoftuar se është ndarë Fondi Emergjent për rikuperimin e dëmeve të shkaktuara nga vërshimet e ndodhura gjatë janarit, por që deri tani nuk ka filluar kompensimi i dëmeve.

Si pasojë e vërshimeve të ndodhura në janar, shumë familje kanë pësuar dëme të mëdha financiare, ku disa prej tyre janë evokuar nga shtëpitë e tyre.

Në mesin e shumë komunave që janë prekur rëndë nga vërshimet është Fushë Kosova, Drenasi, Malisheva, Gjakova, Kamenica dhe Vushtrria.

The post Vërshimet në Kosovë, komunat kërkojnë nga Qeveria të bëhet rimbursimi i mjeteve për familjet e prekura gjatë janarit appeared first on Mesazhi.com.

TË ngjajshme

Rezervat e Bankës Qendrore të Turqisë arrijnë 93.3 miliardë dollarë në dhjetor

Radio-Ahireti

Turqia i kërkon Shqipërisë të ekstradojë pronarin një kompanie kriptovalutash që akuzohet për mashtrim

Radio-Ahireti

Kryeministri britanik Johnson merr dozën e parë të vaksinës AstraZeneca

Radio-Ahireti

11 viktima dhe 364 raste të reja me Covid-19 në Kosovë

Radio-Ahireti

Deputeti izraelit bën thirrje “të përdoren plumba të vërtetë në ndërhyrjen kundër palestinezëve”

Radio-Ahireti

Katër të vdekur dhe 568 raste të reja me Covid-19 në Kosovë

Radio-Ahireti